從零開始移民英國

可能小編份人太懶散，係我籌備離港過程中，最麻煩嘅一項係要整理所有要拎去英國嘅證書同文件，而且好死唔死比我係過程中仲發現有部分學歷證明已經遺失左幾年 。 😓🤪 個人認為以下文件必帶： 中學至大學畢業證書同transcript 工作證明/Reference letters 專業執照 車牌 NHS 號碼& NINO (如有) 保險正或副本 香港簽落未到期嘅服務合約正或副本(方便check) 小編就唔見咗會考 (Yes I’m that old~) 同埋大學畢業證書，分別聯絡咗考評局同埋大學補發 。 會考證書：$500同埋10個工作日 大學證書：大學收$400、需要去民政署做一個法定聲明（話我遺失左正本）同埋4星期 (詳情要去自己學校check番) 仲有咩要帶？幫忙提醒下小編🧐 由於補領需時，建議大家快啲檢查下有冇遺漏，然後盡快申請!

大家都知道鴨寮街有得賣英國電話卡，亦都知道絕大部分英國電話卡喺香港冇辦法收到訊號（就算收到，都會當你漫遊收費極貴）。但如果都係想用英國號碼，小編發現咗以下方法！ 今日同未出發但已經開始籌備緊移民嘅大家介紹Skype Number！呢個服務俾你可以用 美金$6.5月費 自選一個英國（或者其他國家）的電話號碼，利用Skype App 打電話，對方無需使用Skype，亦唔會知道你用緊App，佢只需好似平時咁樣喺電話度打俾你，而你可在 Skype 中接聽通話。 用呢個方法好處係當你喺香港時已經可以比一個英國電話號碼人哋，唔使當地人（例如雇主、搵屋agent）怕咗長途電話費而唔打俾你。 美金$6.5的月費已經包左接收所有全世界各地而來嘅電話☎️。假如你想用呢個電話號碼打出比任何人嘅電話，需要額外買Skype credit。 小編已經試過用呢個號碼來搵工，亦都試過用呢個號碼同僱主溝通（只係打黎同我約interview...未見面...） 以下簡單申請步驟： 首先去呢個網站： https://www.skype.com/zh-Hant/features/online-number/ 選擇想要嘅國家同區域，之後揀番個靚number:  詳細服務範圍： 按此 用信用卡俾錢就搞掂！ 10分鐘都唔使！ 大家留意番, Skype 不能取代一般電話，也無法用來撥打緊急電話。 最後，祝大家馬到功成！搵到工上嚟分享吓心得！ 利申：呢個唔係廣告post, 只係用過覺得好，純分享👷‍♀️ 👁‍🗨如果你都係買左機票並會係8-12月出發英國，小編開左個小型TG谷比行程同進度都差不多嘅人交流下, 有興趣者可以加入:  按此   如果你入唔到谷，可以TG我：K1r011